За Вучиќ Договорот во Македонија не помина и порача да не се прават математички формули
Објавено во: Балкан 18 Октомври, 2018
За жал, очигледно е дека договорот што го склучија двете страни, а беше добар и за двете земји, не помина во Македонија и на народот тој не му се допадна, изјави српскиот претседател, Александар Вучиќ за состојбите во Македонија.
Тој додаде дека „место тоа да се признае, се играме со разни математички формули, се лажеме самите-мнозинството од ова, мнозинството од она.
„Една од причините за ова е тоа што му беше понудено на обичниот народ, дека не му беше привлечно, како што мислеа во Европа. И да, тоа е точно, ветувањата од Европа на народот не им беа привлечни“, рече Вучиќ.
Србија нема аспирации да се зачлени во НАТО, но според неа, затоа за Македонија е ветено зачленувањето во НАТО и ЕУ.
Рече дека тие приказни ги слушаме во регионот веќе 15 години и ништо не се сменило.
„Ни треба нешто опипливо. Ни треба нешто што луѓето во Македонија ќе можат да го видат и да го почуствуваат. Мислам дека тука, во понудата, нешто недостасуваше“, оцени Вучиќ.
Тој констатираше дека на целиот регион, како и на Србија, кога се даваат ветувања од ЕУ, тие треба да бидат сигурни и истите мора да се исполнат.
Тој претходно од Москва по референдумот изјави дека Европа не треба да ги потценува малите народи на Балканот.