Забрана против перење пари: Плаќања во готово само до 1.000 евра
Објавено во: Економија 05 Јануари, 2019
Во кеш само за плаќања до 60.000 денари - се што е над оваа сума ќе треба да помине како трансакција во банка. Ова го предвидуваат законските измени кои стапија на сила од почетокот на годинава односно од први јануари.
Оваа измена Владата ја донесе во средината на минатата година кога одлучи да го измени Законот за спречување на перење пари и финансирање тероризам.
Претходно, односно пред измената во кеш можеше да се плаќа само до две илјади евра. Целта на ваквото ограничување е да се намали сивата економија и во крајна цел да се зголеми електронското плаќање.