ЗАЕВ Е ЛАУРЕАТОТ: Во Сараево ќе му ја врачат наградата „Иса-бег Исхаковиќ 2019“

Добивај вести на Viber

Премиерот Зоран Заев е лауреат на меѓународната награда „Иса-бег Исхаковиќ 2019“.

Заев e добитник на оваа меѓународна награда „Иса Бег Исхаковиќ“ која ќе му биде врачена на традиционалната Свечена академија во Народниот театар во Сараево на 27 ноември.

„Зоран Заев не само што значително ги подобри односите во регионот на Западен Балкан, туку покажа силно политичко лидерство во контекст на порешителен пристап на регионот во однос на приближувањето кон Европската унија и НАТО. Комитетот не може да знае како ќе изгледа политичката биографија на Зоран Заев следната година, како што тоа не беше можно и во однос на претходните лауреати кои Комитетот им ги додели, но истите и ги заслужиле, но напорите, иницијативите и резултатите на Заев во 2019 година несомнено ќе бидат забележани како позитивни и историски ценети, соопштија од Комитетот.

Во 2016 година оваа награда му припадна на поранешниот македонски претседател, Ѓорѓе Иванов. 

Пред него, Комитетот на Меѓународната награда „Иса-бег Исхаковиќ“ ја додели на претседателката на Хрватска Колинда Грабар Китаровиќ, а ова престижно признание помеѓу останатите го има добиено и турскиот претседател Реџеп Таип Ердоган, претседателот на Словенија Борут Пахор, претседателот на Австрија Хеинз Фишер, Стипе Месиќ, поранешен претседател на Хрватска.