ЗАЕВ ГО ОТФРЛИ БАРАЊЕТО ЗА ОПШТА АМНЕСТИЈА: Затворениците од Идризово се налутија-штрајк со глад!
Објавено во: Македонија 11 Декември, 2018
Скоро донесување на нов закон за општа амнестија не се планира, туку само за ненасилните учесници од настаните во парламентот од 27 април 2017 година.
Ова го кажа премиерот Заев кој потврди дека добил писмо од затворениците од „Идризово“ кои бараат општа амнестија, но истакнал дека парламентот пред неколку месеци донесе закон за општа амнестија и дека ниту една современа држава тоа не го прави на секои шест или девет месеци.
-Се разговара само за амнестија за настаните од 27 април во парламентот, која нема да се однесува на оние кои учествувале во насилството, го организирале или смислиле тој грозоморен настан. Не станува збор за општа амнестија-кажа премиерот од Штип.
Пракса во светот, е законите за општа амнестија да се донесуваат на секои четири до осум години. Осудениците на најголемиот македонски затвор Идризово кај Скопје почнаа дводневен штрајк со глад.
Тие бараат законот за амнестија од 27 април, кој е ден од таканаречениот процес на помирување да ги опфати и нив, најавувајќи дека штрајкот ќе продолжи додека Владата не одговори позитивно.