Заев го разреши пратеникот Костадин Ацевски, тој повика на обединување
Објавено во: Македонија 24 Мај, 2019
Зоран Заев вчера објави дека како претседател на СДСМ ги разрешува сите 78 претседатели на општинските организации на партијата, а меѓу нив е и пратеникот во македонското Собрание, Костадин Ацевски, кој го предводеше локалниот огранок на Ѓорче Петров.
Пратеникот по објавената одлука на премиерот на Македонија побара обединување во партиските редови и нов почеток со свежи сили, обидувајќи се да го крене моралот на партијата.
„Другарки и Другари, Ви благодарам на подршката, пожртвуваноста, лојалноста...
Ви благодарам на се што направивте до сега, и на се што ќе направите од сега, за партијата и државата! Почит до небо и поклон до земја!!! Функциите се менливи и минливи, нашето единство, другарство и посветеноста на СДСМ, не!!! Продолжуваме сите заедно напред, поединствени од било кога!!!“, објави Ацевски.
Тој важи за еден од најактивните во својата партија, особено на локално ниво во Ѓорче Петров и се очекува повторно да биде реизбран. Заев најави дека ќе бидат реизбрани оние кои задоволиле со својата работа, а додека пак кај оние кои биле неактивни ќе бидат заменети со други.