Заев и Ахмети денес без конкретен договор за распределба на министерствата
Објавено во: Македонија 19 Мај, 2017
Мандатарот и лидер на СДСМ денеска ги почна разговорите за фирмирање на нова влада, а прв соговорник му беше Али Ахмети, челникот на албанската ДУИ.
Средбата меѓу двајцата лидери и идни коалициони партнери во најава заврши без изјави за медиумите, а во партиското соопштение од СДСМ соопштуваат дека теми на средбата биле принципите на соработка, реформската Влада и ЕУ и НАТО интеграциите.
„Во наредниот период ќе се интензивираат динамиката и разговорите помеѓу двете партии, вклучително и со партиите што дадоа поддршка за состав на новата Влада на Република Македонија, по што ќе се премине на конкретните решенија за ресорните министерства“, посочуваат од СДСМ.
Средбата се одржа во партиското седиште на СДСМ.