Заев и Филипче нашле возило за струмичката болница, соопшти струмичкиот пратеник Костадинов
Објавено во: Македонија 31 Октомври, 2020
Обезбедено е ново амбулантно возило за струмичката болница и најдоцна за два месеци ќе стаса таму, објави предмалку струмичкиот пратеник Коста Костадниов од СДСМ. Тој напишал дека ова се случило во консултации со премиерот Зоран Заев и министерот Венко Филипче. Реакцијата следуваше по објавата на директорот на болницата Наќе Гогов кој на фејсбук напиша дека бара од граѓаните донации за да се купи ново возило. По негативните коментари тој го повлече постот. Костадинов вели дека го разбирал притисокот врз здравствените работници
„Дополнително се прват напори и за повеќе, во првото тромесечије од 2021 како донација од Кина ќе пристигнат 60 амбулантни возила за Македонија. Само со искрен разговор, со силни заложби можеме да ги решаваме сите проблеми, наталожени поради непреземање ништо во минатото но и оние кои произлегуваат од секојдневието, вели Костадинов.