Заев и Мицкоски ќе се судрат пред камерите, за што ќе се води дуел?

Добивај вести на Viber

Денеска премиерот Зоран Заев и лидерот на најголемата опозициска партија Христијан Мицкоски ќе ги судрат своите концепции пред јавноста во ТВ дуелот во рамките на емисијата „Само Вистина“ на Канал 5 во 18:30 часот.

Се очекува најполемизирани теми да бидат судбината на СЈО, Преспанскиот договор, осудените од „27 април“, економските политики, доделувањето на датум за преговори со ЕУ, партиските вработувања, претседателските избори и друго.

Ова ќе биде второ соочување на двајцата политички лидери, по ланското на јавниот национален сервис. 

Премиерот Зоран Заев ги повика граѓаните масовно да го следат телевизиското соочување. За лидерот на ВМРО-ДПМНЕ рече дека е тешко да се дебатира со него бидејќи „е неодговорен“.

- Тежок, неодговорен, за многу важни работи не помага на државата. Разбирам дека опозицијата треба да е критична, но треба да е реална и одговорна. Јас бев 21 месец во опозиција - рече денеска Заев, одговарајќи на прашање на трибината во Куманово „Фер општество, Шанса за сите“.

Мицкоски вчера не објави никаков статус, ниту најава на својот профил на Фејсбук за денешното телевизиско „соочување“.