Заев: Избори во јули, август не е возможно
Објавено во: Македонија 28 Март, 2020
Едно од можните сценарија за започнување на овогодинешната изборна кампања во најдобар случај може да биде јули, но можеби дури и подоцна, рече лидерот на СДСМ, Зоран Заев, на емисијата „360 степени“ во Алсат.
Тој рече дека доколку не се реализира во јули, во август е невозможно затоа што е празничен период, така што може терминот да се пресели во следниот период, како октомври-ноември.
Прогнозата на Заев следува откако пред две недели на лидерска средба кај претседателот Стево Пендаровски беше постигнат консензуц дека не се возможни избори во предвидениот термин - 12 април.
„Јули е едно од можните сценарија, август обично никогаш не се одржува…, извесни се и септември и октомври, како и редовните термини за изборите, тоа се крајот на ноември и декември, што се исто така соодветна опција“, најавува Заев.
Техничката влада, за која беше предвидено да трае само 100 дена, во моментов функционира со распуштено Собрание и поради тоа наместо законски решенија, се носат владини уредби со сила на закони.