Заев: Jaс сум Македонец, зборувам македонски јазик, тоа е мое право
Објавено во: Македонија 10 Декември, 2018
Премиерот Зоран Заев одговори на провоакциите на бугарскиот министер за одбрана и вицепремиер, Красимир Каракачанов.
„Дека јас сум Македонец, дека јас зборувам македонски јазик, тоа е мое право, тоа е европска вредност“, одговори Заев.
Заев на денешната јавна расправа во Штип за уставните измени, порача дека ќе продолжи и понатаму да гради пријателство со Бугарија.
„Јас очекувам навистина европските вредности да бидат прифатени од сите, како што исто така подадов рака и прифатив дека споделуваме заедничка историја. Ќе продолжам да зборувам во духот на пријателството и ќе продолжам да градам пријателство, без разлика на какви причини некој темели свои изјави или слично“ – рече Заев.
Професорот Ѓорѓи Спасов, кажа дека изјавата на Каракачанов е реакција на стравот дека со влезот на Македонија во ЕУ, може да остане без парите од продажбата на бугарските пасоши.