Заев кажа кои се нивните црвени линии
Објавено во: Македонија 13 Септември, 2019
Нашите црвени линии е иднината на предметите на СЈО, изјави премиерот Зоран Заев во вечерашното интервју на телевизија Сител.
„Значи, новото обвинителство нека ги земе сите предмети од СЈО, предмети за висока корупција, нека го преземе и „Рекет“, ама нека ги преземе и обвинителите и вработените во СЈО, за да ги продожат предметите да не застарат. Ако ваков предлог не се прифаќа нека кажат зошто не се прифаќа. Вториот предлог е доколку не сакаат обвинителите од СЈО да одат во новото обвинителство, тие да се вратат во своите претходни обвинителства, но предметите на СЈО да одат под државниот обвинител. За да не бидат закочени и да не застарат додека се екипира новото обвинителство. Тоа се двата предлози, и ниту еден не беше прифатен“, рече Заев.
Вели дека ВМРО-ДПМНЕ и Христијан Мицкоски ги одбиле и двата предлози што ги дала власта за новото обвинителство.