Заев ќе му удоволи на Мицкоски ако ВМРО-ДПМНЕ гласа за уставни измени
Објавено во: Македонија 14 Декември, 2018
Македонскиот премиер Зоран Заев прифати ТВ-дуел со лидерот на опозицијата Христијан Мицксоки но само ако тој го објави својот став за Преспанскиот договор односно, со други зборови, доколку ВМРО-ДПМНЕ го подржи изгласувањето на изменетите уставни амандмани во Собранието.
-Подготвен сум во секое време и на секое место да дебатирам со Мицкоски, но чесно е тој да го каже својот став-дали е за членство во ЕУ и НАТО со поддршка од Договорот од Преспа и ако не е да ја каже алтернативата. Тогаш нека го избере медиумот, денот и терминот. Јас сум подготвен за соочување зашто тоа е демократски чин, изјави денеска Заев.
Заев и Мицкоски веќе имаа еден ТВ-дуел на МРТ, а од тогаш ова е втор пат како претседателот на ВМРО-ДПМНЕ бара уште еден „двобој“ на екраните. Претходно, додека ВМРО-ДПМНЕ беше безмалку 11 години на власт немаше ниту едно телевизиско соочување на водачите на власта и опозицијата.