Заев ќе оди на Светскиот економски форум во Давос
Објавено во: Македонија 12 Јануари, 2018
Претседателот на Владата на Република Македонија, Зоран Заев, со владина делегација, на 25-ти и 26-ти јануари, ќе учествува на Светскиот економски форум кој годинава се одржува во Давос, Швајцарија.
Заев ќе има можност да присуствува на еден од најпрестижните светски форуми на кој се состануваат највисок ранг на политичари, банкари и професионалци.
48-от светски економски форум ќе се занимава со повеќе акуелни теми од значење за светската економија.
Светскиот економски форум работи за воспоставување на модел на корпоративно управување во кој вредностите се почитуваат еднакво како и правилата. Проектите и програмските иницијативи кои ќе бидат презентирани на 48-иот годишен состанок на Светскиот економски форум се на тема: „Креирање на заедничка иднина во поделениот свет“.