Заев ќе се сретне со Мицотакис во Њујорк, а со Ципрас во Скопје
Објавено во: Македонија 24 Септември, 2019
Шефот на македонската Влада, Зоран Заев, денеска во 11 часот по локално време ќе се сретне со гркиот премиер Киријакос Мицотакис во рамките на Генералното собрание на ОН во Њујорк.
Тоа ќе биде прва средба на двајцата премиери, но според агендата првенствено ќе се разговара за перспективите на земјите од Западен Балкан и за предизвиците што ги наметнува ЕУ. Средбата со Заев е прва на денешната агенда на Мицотакис, кој потоа треба да се состане со неколку други премиери и претседатели, како и претставници на компании, меѓу кои и Доналд Трамп.
Во меќувреме Заев во Скопје ќе го дочека лидерот на Сириза и поранешен премиер на Грција, Алексис Ципрас, следниот вторник во рамките на конференцијата посветена на Западен Балкан што ја организира „Економист",
Двајцата креатори на Преспанскиот договор заедно со поранешниот претседател на Европскиот парламент Мартин Шулц ќе дебатираат за тоа „Кои се следните чекори за европска интеграција на Западен Балкан?“ на посебна панел дискусија, во рамките на еднодневната конференција.