13 Декември, 2018
0.2481
    ALK 8292.3    -0.08%     BGOR 285    -10.94%     KMB 5082.64    -1.22%     MPT 47500    0%     SBT 1804    -2.49%     STB 1289.79    -0.02%     STBP 1260    -10%     TEL 300    0.46%     TNB 14200    0.21%     USJE 23500    1.95%

Заев најави - Долговите на општините ќе се вадат со кредит од 100 милиони евра

Објавено во: Македонија 13 Март, 2018

Премиерот Зоран Заев денеска изјави дека Владата сака во целост да го спроведе
Законот за рамномерен регионален развој, кој значи сто милиони евра дополнителни пари на општините од она што досега државата го спроведувала и од она што треба дополнително да го обезбедат како обем.

„Тоа значи дека во иднина, штом ќе бидат подготвени капацитетите на општините, а се надевам до крајот на 2018 година дека ќе бидат подготвени, ќе се пренесат капиталните инвестиции за изградба на основни и средни училишта од Министерството за образование и наука на општините. Изградбата на градинките, дел од здравствените домови како примарна и превентивна здравствена заштита, веројатно и најголем дел од домовите на култура, освен оние што се од национален интерес кои ќе бидат задржани. Огромен процент на домови на култура се уште се под Министерството за култура и тие треба да бидат симнати на локално ниво“, рече Заев по потпишувањето Договор меѓу Министерството за транспорт и врски и ЗЕЛС за пренесување на правото на трајно користење, управување и одржување на информацискиот систем www.gradezno-zemiste.mk.

Тој додаде, дека планираат управувањето на шумите и на земјоделското земјиште  да го пренесат на локално ниво, како и во делот изградба на патиштата во РМ со цел да се зајакне финансискиот капацитет за изградба на локалните патишта каде се надлежни самите општини, а посебно, рече, дури и регионалните патишта кои имаат регионален аспект, односно важност за еден од осумте плански региони.

„Конечна цел е да ги пренесеме овие огромни суми на пари од сто милиони евра. Со овие многу значајни институции во Република Македонија, граѓаните да почувствуваат унапредување на услугите и унапредување на квалитетот на развојот на инфраструктурата, а не да биде кочница заради тоа што имаме и мали општини со помал капацитет за кои ќе им треба организација во делот на проектирање, имплементирање на одредени конкретни инфраструктурни проекти, но и организација во делот на менаџментот на одредени институции“ – изјави Заев.

Одговарајќи на новинарско прашање што се случи со идејата за Владата да се задолжува во име на општината, тој рече дека работат на тоа и оти ги чекаат понудите од банките.

„За нас е многу важно да добиеме колку што е можно пониски каматни стапки и да добиеме можност по пат на преговарање за исплата на сите тие долгови кои општините ги имаат кон добавувачите и да добиеме подобри услови“,  рече Заев.

Премиерот изрази надеж дека наскоро ќе можат да соопштат конечно која е одлуката околу тоа како ќе го исфинансираат тој дел. Одлуката, како што рече, е веќе донесена за државата да подигне кредит, буквално го пренесе на општините да ги исплатат своите обврски кон добавувачите, некаде околу 120 милиони евра, а самиот кредит го враќаат општините на еден подолг рок од 15 или 20 години со пониски каматни стапки. Очекуваме  два, два и пол, три насто каматни стапки кои за сметка на денешните 13 отсто кои ги плаќаат како затезни камати општините за сите долгови коишто се доспеани према нив.

„Ние веруваме дека на тој начин ќе ги растовариме општините, ќе им дадеме ветер во грб за нивното унапредување во иднина, но исто така овие пари стигнуваат и до домашните компании на кои им должат општините. Истовремено свесни сме дека парите ќе се искористат за нови инвестиции во Република Македонија“, потенцираше Заев.

Можеби ќе ве интересира

Трајковски се уште недостапен, Мицкоски тврди дека не е испратен од ВМРО-ДПМНЕ

Трајковски се уште недостапен, Мицкоски тврди дека не е испратен од ВМРО-ДПМНЕ

Владата го потврди датумот на посетата на папата Франциск на Македонија

Владата го потврди датумот на посетата на папата Франциск на Македонија

И отец Пимен стигна да сведочи во суд за 27 април, го бранеше Бетмен

И отец Пимен стигна да сведочи во суд за 27 април, го бранеше Бетмен

КОИ СЕ ВЛАТКО И АЛЕКСАНДРА МИЈАЛКОВИ: Прислушувани и најблиските од семејството на Мијалков

КОИ СЕ ВЛАТКО И АЛЕКСАНДРА МИЈАЛКОВИ: Прислушувани и најблиските од семејството на Мијалков

ПАРКИНГОТ ГИ СКАРА: Шилегов не попушти за паркингот ама и лекарите не се откажуваат

ПАРКИНГОТ ГИ СКАРА: Шилегов не попушти за паркингот ама и лекарите не се откажуваат

Штрајкот со глад во Идризово на стаклени нозе

Штрајкот со глад во Идризово на стаклени нозе

Што нуди Сашо Мијалков за да се брани од слобода?

Што нуди Сашо Мијалков за да се брани од слобода?

Толку беше: Боро Стојчев си го одлежа затворот

Толку беше: Боро Стојчев си го одлежа затворот

ВРЕМЕНСКА ПРОГНОЗА: Каде ќе врне дожд и снег денеска

ВРЕМЕНСКА ПРОГНОЗА: Каде ќе врне дожд и снег денеска