Заев: „Нашата земја“ е црковен вокабулар

Добивај вести на Viber

Премиерот Зоран Заев рече дека писмото испратено до вселенскиот партијарх Вартоломеј е испратено по консултација со Македонската православна црква и дека заеднички било одлучено дека овој момент е погоден да се побара статус на независност од Цариград.

Заев рече дека мотивот бил да продолжи фокусот на решавање на ова прашање по неговата посета заедно со тогашниот технички премиер Оливер Спасовски, сегашен министер за внатрешни рбаоти, на Цариградската патријаршија на почетокот од годинава.

Слично писмо до Вартоломеј еден ден претходно испрати и македонскиот претседател Стево Пендаровски. За двата меморандуми постоеше забелешка дека не се споменува термините „Северна Македонија“ и „Македонци“, туку „нашата земја„ и „нашиот православен народ“. Заев вика, одговарајќи на новинарско прашање, вели дека таков бил црковниот вокабулар.

- Да, почесто се употребува „нашата земја, но се споменува и Северна Македонија.  Во меморандумот пишува дека е испратен од „Претседателот на Владата на Република Северна Македонија“, Но, сакаме да го користиме и наративот кој што православието и Црквата го користат многу често во својот вокабулар, рече Заев.