Заев: Не познавам такви како „Кики и Фрики“
Објавено во: Македонија 19 Јули, 2019
Премиерот Зоран Заев на денешната прес-конференција рече дека не познава такви рекетари како „Кики и Фрики“ во редовите на СДСМ.
„Кики и Фрики за мене не постојат. Треба некој да ги соопшти со име и презиме, па да видиме дали има истраги или не. Апелирам на истражувачки новинарство и само така ќе ја средиме државата.
Шпекулациите некој пат нанесуваат рушење на чест и углед кај луѓето. Кога ќе се соопштуваат имињата јас ќе бидат тогаш директен“, рече Заев.
Според премиерот, во моментов приоритет е да зе обезбеди иднината на Специјалното јавно обвинителство, чиј мандат завршува на 16 септември.„Ја нема повеќе Катица Јанева, треба да се избере иднина на СЈО, Требаше да седнеме со Мицкоски и да се договориме. Буквално ги отстраниме сите прашања. Сме за ЕУ или не, ќе се бориме за правдата или не“, рече Заев.
Очекува по ова прашање да се постигне двотретинско мнозинство во Собранието до крајот на јули, а и дека може да се остави простор и по враќањето на пратениците од одмор.
„Ова прашање мора да биде решено пред значакната октомвриска одлука за носењето на Датумот за преговори на ЕУ“, наведе Заев.