12 Јули, 2020
0.0229

Заев, Николовски, Царовска ќе „трчаат“ против Сиљановска, Мизрахи, Јанушев...

Објавено во: Македонија 22 Февруари, 2020

Првенците на пратеничките листи на ВМРО-ДПМНЕ ќе бидат познати меѓу први и петти март, најави денеска лидерот на ВМРО-ДПМНЕ Христијан Мицкоски, додавајќи дека една недела подоцна ќе бидат познати и листите на пратеници.

„Видете, во моментот трае анализа, на теренот имаме анкетирање, внатрепартиско анкетирање на структурата, имаме и трет начин на проверка така што како што кажав на минатата прес-конференција во периодот помеѓу први и петти март ќе бидат познати носителите, а една недела потоа ќе бидат познати и листите на пратеници“, рече Мицкоски.

Процедурата за кандидирање на пратениците е во финална фаза и во владејачката СДСМ. Од партијата велат дека за носителите на нивните листи ќе се дознае на конгресот на партијата, како највисок орган на одлучување, а пред тоа, објаснуваат, би било неблагодарно и непринципиелно од една одговорна партија да шпелулира со било какви информации. Она што сигурно се знае е дека половината, односно 50 проценти од листите со пратеници ќе бидат резервирани за жени, додека, пак, 30 отсто ќе им припаднат на младите.

А како што Фактор веќе пишуваше, во таборот на опозицијата има и стари и нови ликови. 

Дефинитивно новина е појавата на сега разрешената министерка за труд и социјална политика Рашела Мизрахи, за која се зборува дека би можела да биде носител во Втората изборна единица. Таа деновиве е исклучително активна на терен на средбите со граѓаните, и има нагласено патриотски настап, што значи дека партијата повторно ќе игра на оваа идеја водилка во својата кампања.  

Единицата е засега најблиска до професорката и поранешен претседателски кандидат на оваа партија, Гордана Сиљановска, но некои извори не исклучуваат на ова место да дојде и Мизрахи. Додека, пак, за двојката, силно бил заинтересиран потпретседателот на ВМРО-ДПМНЕ и поранешен министер за транспорт, Владо Мисајлоски.

Како предводник на тројката наводно би истрчал Игор Јанушев, генералниот секретар на партијата. За Четвртата изборна единица, пак, најголеми шанси му се даваат на потпретседателот на ВМРО-ДПМНЕ и една од „перјаниците“ на партијата, Александар Николовски, со што тој практично би му се спротивставил на лидерот на СДСМ и поранешен премиер Зоран Заев. 

За петката и шестката уште не биле искристализирани ликови. Упатени кругови велат дека на листите, и тоа во погорните места, сигурно ќе се најде пратеникот Антонијо Милошоски. Сознанијата велат дека на списокот ќе се појави, но не како носител, и пратеникот Влатко Ѓорчев, а помалку изгледите биле на страната на Илија Димовски.

За лидерот Мицкоски уште не се спомнува изборн единица, па се очекува да се види дали тој ќе опстои на најавата дека ќе биде шпицен кандидат, што значи или ако победат да стане премиер, или воопшто да не биде пратеник.

Во СДСМ засега партиските кулоари за Единицата предност и даваат на Мила Царовска, поранешна министерка за труд а сега вицепремиерка за економски прашања. 

Двојката е веќе резервирана за Оливер Спасовски, технички премиер и силна партиска фигура во СДСМ.

Во Третата изборна единица како носител треба да истрча Љупчо Николовски, генерален секретар на партијата, и еден од најсилните работници на терен, како што го опишуваат партиски извори.

Четворката е определена за Зоран Заев, лидер на партијата и поранешен премиер, кој претендира повторно да седне во премиерското столче, доколку неговата партија ја добие довербата од граѓаните и успее да формира Влада. 

За шестката се зборува дека носител ќе биде од редовите на Албанците, но треба да се прецизира дали и со каква предизборна коалиција би се одело. 

За Радмила Шекеринска се споменува амбасадорско место, но не е изнендување доколку биде предводнк на некоја од листите.

Можеби ќе ве интересира

ПАНЧЕВСКИ СЕ БАРА ПОД ДРВО И ПОД КАМЕН - МВР трага на повеќе можни локации

ПАНЧЕВСКИ СЕ БАРА ПОД ДРВО И ПОД КАМЕН - МВР трага на повеќе можни локации

МАКЕДОНИЈА НА МАПАТА НА СВЕТСКИТЕ ЦЕНТРИ - двете најтешки трансплантации достапни и во земјава

МАКЕДОНИЈА НА МАПАТА НА СВЕТСКИТЕ ЦЕНТРИ - двете најтешки трансплантации достапни и во земјава

ГОЛЕМА ТРАГЕДИЈА ВО ВЕЛЕС: Се удави 28 годишно момче во Велешко езеро

ГОЛЕМА ТРАГЕДИЈА ВО ВЕЛЕС: Се удави 28 годишно момче во Велешко езеро

БУЈАР ОСМАНИ БАРА ПОДДРШКА ОД МАКЕДОНЦИТЕ ЗА ПРЕМИЕР АЛБАНЕЦ - да се сруши дуополот на СДСМ и ВМРО-ДПМНЕ

БУЈАР ОСМАНИ БАРА ПОДДРШКА ОД МАКЕДОНЦИТЕ ЗА ПРЕМИЕР АЛБАНЕЦ - да се сруши дуополот на СДСМ и ВМРО-ДПМНЕ

НАПРАВИВМЕ СЕ ЗА ДА ЈА СПАСИМЕ ДЕВОЈКАТА, НО СОСТОЈБАТА И СЕ ВЛОШИ СО СРЦЕВА СЛАБОСТ - од Здравство за Фактор

НАПРАВИВМЕ СЕ ЗА ДА ЈА СПАСИМЕ ДЕВОЈКАТА, НО СОСТОЈБАТА И СЕ ВЛОШИ СО СРЦЕВА СЛАБОСТ - од Здравство за Фактор

НЕМАЛА ХРОНИЧНИ БОЛЕСТИ - младата девојка од Тетово пред да почине имала и кардиолошки проблеми

НЕМАЛА ХРОНИЧНИ БОЛЕСТИ - младата девојка од Тетово пред да почине имала и кардиолошки проблеми

КОРОНАТА ЛЕГНА 411 ЛИЦА НА БОЛНИЧКА ПОСТЕЛА - полни клиники со болни од КОВИД

КОРОНАТА ЛЕГНА 411 ЛИЦА НА БОЛНИЧКА ПОСТЕЛА - полни клиники со болни од КОВИД

Поранешниот амбасадор во Германија повика да се гласа за ГДУ

Поранешниот амбасадор во Германија повика да се гласа за ГДУ

СЛАВЕСКИ ОД ОХРИД ЈА ОБЈАСНИ ОБНОВАТА - невработеноста ќе ја симнеме под 10 отсто

СЛАВЕСКИ ОД ОХРИД ЈА ОБЈАСНИ ОБНОВАТА - невработеноста ќе ја симнеме под 10 отсто