Заев: Објектите помогнаа да не умираат луѓе на паркинзи
Објавено во: Македонија 20 Септември, 2021
Премиерот Зоран Заев вечерва во тв дуелот на Канал 5 изјави дека модуларните болници спасиле илјадници животи, и спречиле луѓето да умираат на паркинзи.
Заев вели дека една од причините за високата смртност е тоа што луѓето имаат и други болести, тоа се најчесто луѓе во години, и друг фактор е тоа што заразените со ковид доцна се јавуваат на лекар.
Претседателот на ВМРО-ДПМНЕ, Христијан Мицкоски не се согласува со него, и како пример ја посочи високата смртност од коронавирусот. Вели дека тие кога предлагале мерки, власта си прифаќала со задоцнување. Mицкоски додаде дека земјава многу лошо се справува со пандемијата. Toj праша што е поразличен менталитетот во Македонија, од тој во Србија, Албанија, БиХ, а смртноста е 2 до 3 пати повисока.
Заев пак го обвини Мицкоски дека ги поттикнува антиваксерите, и дека ВМРО-ДПМНЕ не дала идеи за справување со кризата.
Тие ги конфронтираа своите ставови и за трагедијата во Тетово, каде загинаа 14 луѓе.