Заев одговори дали податоците од пописот ќе влијаат на стекнатите права
Објавено во: Македонија 20 Јануари, 2021
Премиерот Зоран Заев вели дека резултатите од пописот нема да влијаат врз стекнатите права.
Вели дека е срамота 19 години во земјава да нема попис. Тој кажа дека бројките може да се релативни како резултат на слободното движење на луѓето.
„Нема да има никаква рефлексија во делот на стекнати права. Тоа се стекнати права и можни се варијабли, на заминување и враќање на граѓаните, во државата, професионални ангажмани, дефинитивно не треба и нема да влијаат на ниту едно од веќе воспоставените законски решенија“, рече Заев.
Граѓаните кои ќе одбијат да бидат попишани ќе бидат казнети.
„Не можеме да барате фингерпринт на пописот кога се попишуваат и малолетни лица под 18 години кои немаат отпечаток од прст во МВР.Не можете да барате копија да ви се остави од пописниот материјал. Пописот се прави електронски преку ајпад. Најголем број од податоците веќе се обезбедени од самите бази.Трето, секако заштита на личните податоци, не можат да се делат по луѓето да ги носат дома. Уште еднаш ја користам можноста да апелирам на разумност. Денеска е се дигитално, се е достапно на јавноста, а ако се случи каква било аномалија веднаш ќе знаеме и народот и опозицијата и власта“, рече Заев.Пописот ќе се одржи во април, но партиите веќе калкулираат со проценти.
Од опозициската ВМРО-ДПМНЕ која не ја поддржува статистичката операција што ја навува власта се сомневаат дека коалициските СДСМ и ДУИ преговараат за пописните резултати.
„Секаде во светот се попишуваат граѓани кои живеат во одредена земја, само пописот по стадарди и методологија на Заев не е така. Законот за попис кој што насила го турка власта на заев не е статистичка туку пазарџиско политичка операција“, реагираа од ВМРО-ДПМНЕ.
Од ДУИ сметаат дека бројот на припадници на оваа етничка заедница секако е поголем од рамковниот праг. Пописот од 2011 година пропадна.