20 Септември, 2018
0.2899
    ADIN 560    0.54%     ALK 8003.87    -0.04%     GRNT 820    -0.04%     KMB 5166.51    0.13%     MAGP 6150    0%     MERM 2000    0%     MPT 47742.7    0.77%     OHB 6548.31    -0.62%     OKTA 4257    -2.99%     PPIV 46000    -0.48%     RMDEN15 95    -1.55%     RMDEN17 96.1    0%     STB 1109    0.06%     STIL 128.49    -1.92%     TETE 2308.76    4.83%     TKVS 4996    2.98%     TNB 14000    -2.78%     TTK 1135.39    1.38%     UNI 2330.37    2.84%

Заев побара извинување и демант од медиум или ќе поднесе пријава за отштета

Објавено во: Македонија 22 Јуни, 2018

Премиерот, Зоран Заев, се заканува со тужба до порталот „Република“ доколку не се извини за текстот во кој премиерот, министерката за одбрана, Радмил Шекеринска и министерот за надворешни работи, Никола Димитров, се наречени модерни домашни андарти поради потпишаниот договор со Грција.

„Заев, Шекеринска и Димитров се целосно свесни за предавството, буквално опишано во говорот на претседателот на Република Македонија, Ѓорге Иванов, кој што нагласи дека со ваков договор на Грција и се дава отворена карта врз Македонците во Македонија да се спорведе истиот терор кој што со децении го спроведуваа грчките андарти врз Македонците во Грција“ стои во текстот што го објави „Република“ претходно.

Андартите се инаку припадници на грчка герилска паравоена формација, кои кон крајот на XIX и почетокот на XX век учествувале во Борбата за Македонија, со цел делови од Македонија и Тракија да бидат присоединети кон Грција.

На демантот од Владата, потпишан од премиерот, се бара од „Република“ да се извини во рок од два дена и да го повлече текстот. Во спротивно против порталот ќе биде покрената постапка за надомест на штета согласно Законот за граѓанска одговорност за навреда и клевета.

„Категорично тврдам дека овој текст е лага и клевета, бидејќи со ниту еден аргумент не ги потврдува наведените тврдења, односно дека така како што се напишани имаат единствено за цел да шират клевети, навреди и невистини за лицата споменати во текстот, бидејќи со ниту еден факт или аргумент не ги потврдува наведените тврдења и доведувањето на споменатите функционери во корелација со споменатите личности или настани од историјата“ стои во демантот.

Од „Република“ велат дека со ова Владата врши цензура врз медиумот, затоа што текстот, посочуваат, е објавен како редакциски став.

„Бидејќи во текстот е изнесена субјективна оцена на конкретниот настан, а не се изнесени тврдења или информации чијашто вистинитост или невистинитост може да се докаже или побие со факти, ова барање го сфаќаме како уште еден притисок врз новинарството и врз слободата на изразување, но и конкретно врз нас, како растечки медиум, врз кој СДСМ со години врши политички притисок поради разидувањето во ставовите“ велат од таму во одговор на демантот.


Можеби ќе ве интересира

ПОЛИЦИЈАТА ТРАГА ПО НИВ: Македонци си го киднапирале бебето во Франција

ПОЛИЦИЈАТА ТРАГА ПО НИВ: Македонци си го киднапирале бебето во Франција

Што крие снимката за апсењето на Љубе Бошкоски која за прв пат е презентирана?

Што крие снимката за апсењето на Љубе Бошкоски која за прв пат е презентирана?

(ФОТО) СЕ СРЕТНАА Шекеринска и Урсула Фон дер Лаjeн: Колешките министерки со сличен стајлинг

(ФОТО) СЕ СРЕТНАА Шекеринска и Урсула Фон дер Лаjeн: Колешките министерки со сличен стајлинг

Трајко се јави за референдумот и уставните измени

Трајко се јави за референдумот и уставните измени

Математиката во Македонија може да продолжи со нови учебници

Математиката во Македонија може да продолжи со нови учебници

ОФИЦИЈАЛНО: МТСП открива кој живеел во станот во Скопјанка каде беа евакуирани жители

ОФИЦИЈАЛНО: МТСП открива кој живеел во станот во Скопјанка каде беа евакуирани жители

(ВИДЕО) РАСФРЛАНИ ПЕЛЕНИ, СМЕТ, ОТПАДОЦИ: Ваква слика затекната во станот во Скопјанка

(ВИДЕО) РАСФРЛАНИ ПЕЛЕНИ, СМЕТ, ОТПАДОЦИ: Ваква слика затекната во станот во Скопјанка

Позната листата на пратеници од ВМРО-ДПМНЕ кои се декларираа дека нема да гласаат за уставни промени

Позната листата на пратеници од ВМРО-ДПМНЕ кои се декларираа дека нема да гласаат за уставни промени

Минчо Јорданов повикан во суд

Минчо Јорданов повикан во суд