Заев: Пријателите ќе и помогнат на Македонија за НАТО и ЕУ по реформите
Објавено во: Македонија 06 Јуни, 2017
Претседателот на Владата на Република Македонија во своето прво телевизиско интервју во МТВ каде прашања поставуваа и уредници од сите телевизии голем дел од одговорите ги посвети на евроатланските интеграции.
„Пријателите ќе и на Македонија за членство во НАТО и ЕУ. Помош може да добиеме и од нашите соседи, особено од Бугарија и Албанија за членство во НАТО. Ние ќе се посветиме на реформите и ако ја придвижиме земјата во позитивен правец тоа ќе биде препознаено и од институциите на ЕУ за да се тргне условената препорака за отпочеток на преговорите. Разговарав и со генералниот секретар на НАТО кој изрази желба и да дојде во Република Македонија летово. Спорот со името со Грција ќе го решаваме со интезивни разговори и без нови провокации. Сите одлуки ќе ги носиме заедно со опозицијата во еден инклузивен процес, а потоа крајното решение ќе биде поставено и на референдум. Сегашните геополитички услови даваат надеж дека Македонија може да брзо да се интегрира во НАТО што ќе значи поголема стабилност, безбедност и економски бенефиции“, одговараше Заев на новинарските прашања.
Премиерот посочи и дека ќе ги унапредува односите со сите соседи на Република Македонија кои ни се најважни. Тоа го очекуваат и самите граѓани бидејќи имаме потреба од соработка, споделување на заедничките вредности и развој на економските односи бидејќи таму ни се првите пазари.