Заев: Просечна плата од 600 евра во новиот мандат

Добивај вести на Viber

Сто илјади нови работни места за полн мандат од четири години, најави Зоран Заев, претседателот на СДСМ, во промоцијата на економските мерки од изборната „Програма 20-24“

- Ако можевме за две и пол години да отвориме 60.000 нови работни места, можеме за полн мандат од четири години да отвориме 100.000 нови вработувања, рече денеска Заев,

Доколку СДСМ би добил нов мандат, државната поддршка за домашните и странските инвеститори би била вкупно 300 милиони евра.

- Имаме и уште 300 милиони евра за развој на домашната економија, а тоа се значи вкупно 600 милиони евра. Тоа се пари за развој на бизнисите, за младите, за старт-апите, вели Заев.

Стапката на невработеност ќе биде донесена од 17,1 отсто на помала од 8 отсто. Рече дека просечната плата во новиот мандат би достигнала 600 евра, а минималната ќе биде сведена на 18.000 денари.

Платите на вработените во здравството и образованите ќе бидат дополнително зголемени за 20 отсто. 

До 2023 персоналниот данок на доход во ИТ-индустријата ќе биде укинат, односно 0 отсто. 

- Државата ќе превземе поголем дел од ризикот при одобрувањето на грантови од 5.000 евра за самовработување на млади и жени, додаде Заев.