21 Мај, 2019
0.0201

Заев се обиде да го врати духот кај членството: Ќе има чистка!

Објавено во: Македонија 23 Април, 2019

Премиерот Зоран Заев еден ден по минималната победа на Стево Пендаровски над Гордана Силјановска Давкова во првиот круг од претседателските избори, што според јавноста беше оценета како пирова, се обиде да го врати духот кај симпатизерите на синоќешната трибина во Карпош. Според Заев, СДСМ има поголем „резервоар на гласови“ од ВМРО-ДПМНЕ за вториот круг на 6 мај.

- Близината на гласовите вика дека се враќа режим, се враќа Груевски, а тоа никој не го сака. Да ги вратиме насмевките на лицата и да засукаме ракави во наредните две недели. Не се работи за СДСМ, за коалициони партнери, туку за татковината, се обрати Заев.

Тој им укажа на симпатизерите дека и ВМРО-ДПМНЕ од локалните избори на крајот на 2017 па до сега паѓа во бројот на гласачи.

- Не нуди алтернатива освен само квази-националистичка реторика. Едвај чекаат да се вратат и да ја доразграбаат државата, истакна претседателот на СДСМ.

Вели дека разликата помеѓу претседателските кандидати Стево Пендаровски и Гордана Силјановска Давкова била точно „темпирана и дозирана“ бидејќи ако била поголема ВМРО-ДПМНЕ ќе се одлучело да бојкотира.

- Ние ја примивме пораката дека има незадоволство од централната и окалната власт. Најавувам дека секако ќе има чистка и секако ќе расчистиме. После изборите ќе се случат промените. Ќе дојдат нови и поучени од грешките на претходниците - рече Заев.

На тие што апстинирале и не излегле да гласаат им порача дека повеќе ја казнуваат државата отколку власта. Им порача дека пораката е разбрана и ги повика да излезат во вториот круг.

Заев рече дека неговата Влада правела грешки но не од таков степен како „во режимот на Груевски“.

Вети дека ќе има и промени во правосудството.

- На 5 мај ќе го верифицираме правецот кој го фативме и веќе враќање назад нема - порача Заев.

Додаде дека се потребни што е можно повеќе гласови од оние на Блерим Река.

- Крваревме, душата на асфалтот ја оставивме и сега нема да се откажеме. Затоа засукајте ракавите и да се види кој е кој и да се види кој повеќе си ја сака државата - говореше Заев пред присутните.

Можеби ќе ве интересира

ФОКУС НА ДЕНОТ: Нови цени на горивата, што договорија Заев и Ахмети?

ФОКУС НА ДЕНОТ: Нови цени на горивата, што договорија Заев и Ахмети?

По средбата Заев - Ахмети има ли конкретни имиња кои ќе бидат сменети?

По средбата Заев - Ахмети има ли конкретни имиња кои ќе бидат сменети?

Богоевски закажа седница за одземање на мандатот на Груевски

Богоевски закажа седница за одземање на мандатот на Груевски

Џеват Адеми кажа од каде треба да почне „метлата“

Џеват Адеми кажа од каде треба да почне „метлата“

Првиот грчки F16 ја прелета Македонија

Првиот грчки F16 ја прелета Македонија

УНЕСКО бара Охрид да се стави на листата загрозено светско наследство

УНЕСКО бара Охрид да се стави на листата загрозено светско наследство

Копров им се извини на Србите затоа што не добија од нас ниту еден поен

Копров им се извини на Србите затоа што не добија од нас ниту еден поен

Апелационен суд не ја прифати жалбата на Спиро Ристовски

Апелационен суд не ја прифати жалбата на Спиро Ристовски

Едмонд Темелко не се откажува од градоначалничката функција

Едмонд Темелко не се откажува од градоначалничката функција