Заев: Секој со еден мандат во ЦО ќе може да биде претседател на СДСМ
Објавено во: Македонија 25 Октомври, 2020
Претседателот на СДСМ, Зоран Заев, на денешната прес-конференција по 25.конгрес објави дека изгласана е промена во статутот, според која од сега па натаму, започнувајќи напролет кога му истекува мандатот на актуелното раководство, претседателот на владеачката партија ќе се избира непосредно со гласање на секој член.
- Како претседател на СДСМ ќе може да се кандидира секој член на партијата со најмалку пет години работа во партијата или со поминат најмалку еден мандат во Централниот одбор како член со право на глас, објави лидерот на СДСМ.
Заев оваа одлука за измена на статутот на владеачката партија ја оцени како „пионерска“.и пример за кој очекува дека наскоро ќе го следат и другите политички партии.
Според Заев, критериумот опфаќа огромна бројка на членови кои ќе може да се кандидраат за прв човек на СДСМ.
- До сега можеше да се кандидра само една мала група на елита од врвот на партијата. Сега ќе можат тоа да го сторат членови од општинските сојузи, од руралните средини, додаде претседателот.