Заев: Со Борисов средба до 10 ноември

Добивај вести на Viber

Претседателот на македонската Влада, Зоран Заев, рече дека до 10 ноември ќе има средба со бугарскиот премиер Бојко Борисов, по меморандумот од страна на Бугарија упатен до земјите-членки на ЕУ за време додека се крои преговарачката рамка за отпочнување на преговорите со Македонија.

- Во периодот не подоцна од 10 ноември да направиме една средба. Јас сакам да ја посетам Бугарија и тоа да биде моја прва посета во странство во вториот мандат како претседател на Владата, заради тоа што навистина имаме и прашања за разговори, а едно од нив е токму и историското поглавје за историската личност Гоце Делчев и овој период од историјата, рече Заев, денеска одговарајќи на новинарско прашање.

Тој рече дека овој датум се споменува, затоа што на 10 и 11 ноември се одржува Берлинскиот процес, со кој претседателствуваме со Бугарија, и дека на истата средба ќе се зборува и за подготовката 

- Треба овие денови да добиеме и повратна информација од Бугарија за тоа кога да седнеме и поразговараме, наведе Заев, кој одржа заедничка прес-конференција со новиот евроамбасадор Дејвид Гир.

Заев додаде дека е информиран од министерот за надворешни работи Бујар Османи дека комисиите Мешовитиот македонск-бугарски комитет продолжиле да работат, а за Гоце Делчев рече дека треба да се постигне компромис бидејќи двете страни го гледаат акко свој.

- Гоце Делчев е македонски револуционер, но факт е дека и Бугарија смета дека Гоце Делчев е бугарски револуционер, рече Заев.

Гир се повика на најавите од германското претседателство дека до крајот на годината Македонија ќе ги започне преговорите со ЕУ.

- Откако ќе се постигне согласност за преговарачката рамка, ќе се случи и првата меѓувладина конференција, која според германското претседателство, првата меѓувладина конференција ќе биде до крајот на годината, рече наследникот на Самуел Жбогар.