Заев со Бошкоски, Трајанов, Поповска меѓу сојузниците за локалните избори
Објавено во: Македонија 13 Септември, 2017
Лидерот на СДСМ на локалните избори постигна договор за коалиција со вкупно 22 партии, а во заедничкиот фронт како главни сојузници ќе му бидат и Љубе Бошковски, Павле Трајанов и Лилјана Поповска.
Според премиерот Зоран Заев коалицијата е отворена и за прием на други партии, а мотив била пораката на граѓаните дека не сакаат поделби туку заедништво.
Меѓу партиите во коалицијата што ќе настапи под мотото „Живот во Македонија за сите“ се ЛДП, ЛП, Социјал-демократска унија, Нова социјал-демократска партија, Демократски сојуз на Власите, Нова алтернатива, Српска напредна странка, Достоинство, Алијанса за позитивна Македонија, ДОМ, Српска странка во Македонија и други партии на Ромите и на пензионерите. На заедничката прес конференција можеа да се видат Љубе Бошковски, Павле Трајанов и Лилјана Поповска.
Премиерот Заев порача дека е сменета политичката клима во земјата дека граѓаните имаат шанса да учествуваат и го прават тоа. „Уверен сум дека ќе има промени и на локално ниво“, изјави Заев.