Заев со еден од предложените кадри дава простор и на бошњачката заедница
Објавено во: Македонија 22 Август, 2019
Премиерот Зоран Заев по денешната седница на Централниот совет на СДСМ најави дека од утре ќе достави предлог до Собранието со новите измени во извршната власт.
Актуелниот заменик министер за економија Кире Наумов ќе ја предводи Банката за развој, а Кире Колемишевски ќе биде новиот заменик министер за економија. Шефот на извршната власт, Заев, меѓу другите, информираше дека Неџат Мехмедовиќ ќе биде заменик министер за политички систем.
Заев најави дека Нина Ангеловска ќе биде номинирана за нова министерка за финансии, додека Елизабета Наумовска ќе биде предложена за заменик министер за образование.
Премиерот рече дека преку вклучувањето на Мехмедовиќ во власта се дава простор и на бошњачката заедница.