Заев: Со новите еко автобуси ќе се намали загадувањето на воздухот во Прилеп
Објавено во: Македонија 24 Август, 2019
Прилепчани добија четири нови еко автобуси. Градските власти во присуство на Премиерот, Зоран Заев и министерот за транспорт и врски, Горан Сугарески официјално ги пушти во
функција четирите нови автобуси на метан.
Оваа инвестиција од 60 милиони денари, го модернизира јавниот градски превоз, велат од општина Прилеп.
Премерот Заев, посочи дека оваа е сериозна инвестиција која овозможува еколошки транспорт и дека се испраќа порака од државата дека се грижи за еколошките вредности.
Првиот човек на општината, Илија Јованоски истакна дека Прилеп е прв град во Македонија кој пушта современи, модерни автобуси со „ЕУРО-6“ стандарди. Автобуси кои ќе бидат в корист на граѓаните, но и ќе ја заштитат животната средина.