ЗАЕВ СО ПОРАКА ОД ФОРУМОТ: Не можеме да бидеме ништо друго освен членки на ЕУ, но не можеме да чекаме тие да ни ги решат проблемите внатре
Објавено во: Македонија 29 Јули, 2021
Дури 18 милиони луѓе од регионот заслужуваат да бидат дел од Европската унија, бидејќи и Албанија и Македонија направија многу за да бидат од европското семејство, потенцираше премиерот Зоран Заев.
Тој рече дека само со меѓусебно поврзување може да се реализира за она што се залага регионот, а тоа е членство во Европската унија.
„Не може да бидеме ништо друго освен членки на Европската унија, но не можеме да чекаме Европската унија да ги решава проблемите внатре, се надеваме дека ќе биде изнајден начин да се решат проблемите во ЕУ и да тргне развојот на економијата во регионот“, изјави премиерот Зоран Заев на воведното обраќање на Економскиот форум кој денеска се одржува во Скопје.
На настанот се присутни над 300 претставници на компании од целиот регион.
Премиерот Заев рече дека започнува нова ера на соработка во регионот. Во своето воведно обраќање најави дека ќе бидат потпишани два важни меморандуми и еден договор кој ќе ги олесни административните процедури.
„Почнува да се создава највисоко ниво на разбирање и поврзување, како и витален регионален простор, а тоа е наша заедничка желба. Сакам да ве уверам дека нашата волја е израз на максимална посветеност“, изјави премиерот Зоран Заев на Економскиот форум во своето воведно обраќање.
На Економскиот форум во Скопје присутни се и премиерот на Албанија Еди Рама и претседателот на Србија, Александар Вучиќ.
Можеби ќе ве интересира
ФАКТОР НА ДЕНОТ: Почна кампањата за парламентарните избори, ветувања за подобар живот за граѓаните
ВАНКОВСКА: Ќе се заложам за намалување на воениот буџет
СТО НАЈВЛИЈАТЕЛНИ ЛИЧНОСТИ ВО СВЕТОТ СПОРЕД „ТАЈМ“: На листата се најде Македонката Светлана Мојсов
МИНИСТЕРСТВО ЗА ЗДРАВСТВО ДО СПЕЦИЈАЛИЗАНТИТЕ: Решение ќе има после изборите
КОВАЧЕВСКИ ЗА ИЗЈАВАТА НА ОСМАНИ ЗА ОТВОРЕН БАЛКАН: Политичарите како во избори, даваат изјави што треба, што не треба
Доживотен затвор за убиената жена во Кочани со 40 убоди со нож
ДУИ на симулирана седница ги избра Бујар и Села за претседатели и направи уставни измени
СОНК: Иако е период на избори, најверојатно ќе почне генерален штрајк во установите од културата
ГЕСТ ЗА ПРИМЕР И ПОЧИТ! Која фирма за свои сограѓани од Свети Николе ќе даде над 250.000 евра?
