Заев: Страницата „купувам домашно“ е кликната 3.745.000 пати
Објавено во: Економија 12 Јуни, 2020
Претседателот на СДСМ, Зоран Заев, на денешната прес-конференција рече дека интернет страницата „Купувам домашно“ на која граѓаните може да се информираат дали се добитници на платежната картичка од 3.000 денари како економска помош за трошење за време на корона-кризата е кликната 3.745.921 пати, а до сега има 194.192 добитници кои тоа го провериле, односно се осигурале дека ги има во евиденцијата.
Иако последните денови откако е во функција овој интернет сервис, голем број на граѓани се жалат дека имаат проблем со нејзиното функционирање, лидерот на владеачката партија смета дека оваа бројка на посети покажува дека интересот за истата огромен.
- Уникатни посети се 1.129.181, односно толку пати е отворена страната од различни уреди. Тоа значи дека во просек секој граѓанин кој ја отворил страницата, тоа го направил повеќе од три пати. Има 194.192 проверки со добитен матичен број, односно ова се граѓани добитници на домашна платежна картичка и до сега тоа го провериле на самата страна, рече Заев.
Додаде дека банките до сега испечатиле околу 50.000 картички