Заев: Tреба да утврдиме дали референдумот ќе биде консултативен или обврзувачки
Објавено во: Македонија 22 Јуни, 2018
Премиерот Зоран Заев денеска изјави дека референдумот за промената на името е многу важно прашање и дека за тој процес мора и власта и опозицијата да бидат усогласени.
„Се согласувам со опозицијата дека референдумот треба да биде задолжителен, а заедно треба да утврдиме дали ќе биде консултативен или обврзувачки. Зборувам за задолжителен референдум ако сите 50 отсто плус еден граѓанин излезат и го поддржат референдумот“- вели Заев.
Министерот за надворешни работи, Никола Димитров деновиве во интервју за „Топ тема“ рече дека за да биде успешен референдумот, цензусот е многу висок, особено кога опозицијата се уште има дилеми за својот правец на дејствување.