Заев во САД, грчкиот премиер ќе има средба со Трамп
Објавено во: Македонија 23 Септември, 2019
Премиерот Зоран Заев предводи владина делегација на 74 . Генерално собрание на Обединетите нации во Њујорк. Посетата на САД почнува денеска, а ќе трае до сабота за кога е планирано и обраќањето на Заев и тоа во претпладневната сесија.
Инаку во САД заминува и грчкиот премиер Кирјакос Мицотакис, за кого грчките медиуми јавуваат дека ќе има средба со американскиот претседател Доналд Трамп.
Иако нема потврда се најавува средба меѓу Заев и Мицотакис, што би била прва нивна средба откако во Грција Мицотакис ја презеде извршната власт кај јужниот сосед.
Од Владата соопштија дека се плканирани билатерлани средби и учества на настани и дискусии во организација на шефови на држави или влади, како и во организација на тинк-тенк и други меѓународни организации и академски и медиумски институции, но не прецизираа точно со кого. Сепак беше најавено дека во агендата на премиерот Заев е предвидена и официјална средба со генералниот секретар на ОН Антонио Гутереш, како и присуство на приемот на покана од претседателот на САД Доналд Трамп и сопругата Меланија по повод одржувањето на 74-тото Генералното собрание на ОН.
Во состав на владината делегација, се и вицепремиерот за европски прашања Бујар Османи, министерот за надворешни работи Никола Димитров, министерот за здравство Венко Филипче и министерот за животна средина и просторно планирање Насер Нуредини.
Пред две години на овој настан Заев само се поздрави со Трамп.