ЗАЕВ ЗА БОМБИТЕ - тоа се само сегменти од разговори, затоа опозицијата ги пушта заткулисно
Објавено во: Македонија 12 Јули, 2020
Бомбите на опозицијта за мене и за другите членови на власта не се целосни, туку исечени разговори, тврди во разговор за Сител Зоран Заев, лидер на СДСМ.
„Бомбите кои ги објавува опозицијата, и за кои таа реши тоа да го прави на скриен, заткулисен начин, значи преку портали и преку интернет или преу Јутјуб, и не стојат позади тоа, дури и бегат од тоа, ова го прават од причина што ова не се не се целосни разговори“, тврди лидерот на СДСМ Зоран Заев.
Според него, се гледа дека се пуштаат само одредени сегменти и фрагменти од целите овие разговори, со конечна цел да го замајат гласачот, граѓанинот, и да го стават во ситуација да верува во нешто што всушност не постои.
„Но таа нивна определба ќе ја видиме и на изборите преточена преку помалку глаови, бидејќу луѓето сакаат успех и живот“, рече Заев.
Тој денеска преку фејсбук се заблагодари за учеството во кампањата „Можеме“, за почитувањето на мерките и за сите интеракции остварени преку дигиталните платформи.
„Со ваша поддршка водевме интензивна, современа, позитивна и достоинствена кампања, фокусирана на понудата, на интересите на граѓаните и на иднината на државата. Од другата страна сведочевме мрачна, срамна, недостојна и манипулативна кампања водена од ВМРО-ДПМНЕ, кампања која го оживеа режимот во очите на граѓаните, која во целост потсетува на времето кое е зад нас. Ве повикувам на 15 јули да ги поразиме лажните вести, конфликтите, опасноста и срамниот однос на ВМРО-ДПМНЕ кон јавноста“, напиша Заев на фејсбук.