Захариева: Националниот интерес е стабилна Македонија и стабилни соседи

Добивај вести на Viber

Национален интерес е стабилна Република Македонија и стабилни соседи кои одат кон НАТО и членство во Европската унија. "Тоа го коментира министерот за надворешни работи на соседна Бугарија Екатерина Захариева во етерот на бугарската "Нова ТВ" по повод договорот меѓу Македонија и Грција, кој беше ставен крај на 27-годишниот спор за името.

Таа истакна дека е многу важно Договорот за добрососедство со Македонија да биде потпишан во рок, бидејќи на тој начин се дало зелено светло за започнување на преговорите. "Беше клучен знак кога Заев беше во Бугарија. Свртува внимание дека договорот не е насочен кон трети земји - таму се даваат овие гаранции", рекла министерката.

Захариева изјавила дека Бугарија ги поддржува аспирациите на Македонија да ги подобри односите со Грција, а бугарскиот премиер ги поддржува акциите на Заев и сака Балканот да оди напред.

Уште следната недела во вторникот ќе има Совет за општи прашања, кој ќе биде предводен од Захариева. "На него ќе се разгледува темата за проширување. Ако овој совет постигне согласност, решението може да биде потврдено за време на Европскиот совет на 29-30 јуни .

"Потоа процесот станува автоматски, зависи од темпото, но членството е реална перспектива", кажала Захариева.

Таа истакнала дека ентузијазмот за брзо усвојување не е голем, процесот е бавен, но Македонија треба да има перспектива, и додаде дека за односите Бугарија - Македонија е важна темата за општите историски датуми и личности, за што има позитивен развој. Според неа грчкиот парламент има доволно гласови за да го ратификува договорот, но во Македонија може да има проблеми со уставот.