Закани го натераа Мерко да ги предаде ингеренциите од општината на Владата
Објавено во: Македонија 18 Јули, 2019
Градоначалникот на Струга, Рамиз Мерко добил закани по живот, и денеска преку писмо информираше дека се откажува од ингеренциите врз Општината и бара од Владата таа да почне да раководи со градот Струга.
Во писмото кое предмалку излезе на неколку портали Мерко го информира премиерот Зоран Заев дека со намера спроведување на Законите, сите надлежности на Општината за урбанистичко планирање градежни дозволи и давање на концесии како и во делот на спроведување на забелешките од страна на УНЕСКО ги предава на Владата. Во писмото меѓудругото пишува дека вакавата одлука е резултат на последните случувања и долгорочната кампања која се води против градот Струга и градоначалникот на оваа Општина.
Тој за писмото ќе ги извести и сите дипломатски претставништва.