15 Јули, 2020
0.0281

Законот му дозволува на Дурмуш неговата фирма технички да ги проверува автобусите кои се во негова сопственост

Објавено во: Македонија 16 Февруари, 2019

Сопственикот на компанијата „Дурмо турс“ чиј автобус во средата попладне излета од патот кај село Ласкарци и во смрт однесе 14 животи без проблем можел сам да си врши технички прегледи на возилата кои ги поседува.

Дурмуш Белули во истовреме е сопственик и на „Aвтомото здружение Гостивар“ од Гостивар или станицата за технички преглед. 

Во Македонија надзор и контрола над исполнетоста на условите за работа и над работата на Станиците за технички преглед на возила кои се задолжени да вршат проверки на исправноста на возилата врши Министерството за внатрешни работи и според оваа институција сопственикот на автобусите „Дурмо турс“ можел сам да си врши технички преглед притоа да нема ништо спорно во тоа.

Од МВР за Фактор објаснуваат дека последен надзор над исполнетоста на пропишаните услови за работа и над начинот на работа на Станицата за технички преглед на возила „АМЗ Гостивар“ од Гостивар е извршен на 06.08 2018 година.

„Станицата за технички преглед на возила „АМЗ Гостивар“ од Гостивар која е во сопственост на Белули е посебен правен субјект кој е овластен (од Министерството за внатрешни работи) да врши технички преглед на возила и согласно добиеното овластување, имајќи ги предвид одредбите од член 52 став 2 од погорепосочениот закон, за секој извршен преглед на возило издава Потврда за техничка исправност на возило“, велат од МВР.

Од МВР потенцираат дека согласно одредбите од член 62-а став 4, правното лице „АМЗ Гостивар“ не може да врши технички преглед на сопствените возила, но може да врши технички преглед на возила сопственост на друго правно лице.

Истрагата за случајот кој ја потресе земјава е во тек. Засега нема официјални информации што би можело да биде причина за несреќата која се случи на патот Скопје-Тетово кон Гостивар.

Гостивар вчера се прости од загинатите а знамињата во градот под Шара и денеска ќе бидат спуштени на половина копје.


И.С.

Можеби ќе ве интересира

ФАКТОР НА ДЕНОТ: Гласаат болните, немоќните и затворениците, а денес имаме 135 позитивни на Ковид - 19

ФАКТОР НА ДЕНОТ: Гласаат болните, немоќните и затворениците, а денес имаме 135 позитивни на Ковид - 19

ДИК уверува дека има услови за безбедно гласање и повика граѓаните да излезат

ДИК уверува дека има услови за безбедно гласање и повика граѓаните да излезат

Уапсен велешанец кај кого е најден список со лични податоци на потенцијални гласачи

Уапсен велешанец кај кого е најден список со лични податоци на потенцијални гласачи

Министерство за здравство: Утре ќе функционираат дежурните ординации во трета смена

Министерство за здравство: Утре ќе функционираат дежурните ординации во трета смена

Кандидатот за премиер демантира дека е заразен со коронавирус

Кандидатот за премиер демантира дека е заразен со коронавирус

БИЛАНС ЗА 24 ЧАСА: Повеќе заразени од вчера и четири починати

БИЛАНС ЗА 24 ЧАСА: Повеќе заразени од вчера и четири починати

МЗ ИЗНЕНАДЕНО ОД ПРОТЕСТОТ: Не ги игнорираме матичните лекари

МЗ ИЗНЕНАДЕНО ОД ПРОТЕСТОТ: Не ги игнорираме матичните лекари

ЗНМ и СЕММ најостро го осудуваат директното кршење на изборниот молк

ЗНМ и СЕММ најостро го осудуваат директното кршење на изборниот молк

БЛАГОДАРИМЕ КИНЕСКИ НАРОДЕ - стигна донацијата од маски, визири и друга опрема

БЛАГОДАРИМЕ КИНЕСКИ НАРОДЕ - стигна донацијата од маски, визири и друга опрема