Законот за забрана на увоз на отпад денеска на дневен ред, се носи по скратена постапка
Објавено во: Македонија 21 Јануари, 2020
На денешниот дневен ред на Собранието како 19 точка на пленарна седница се најде предлог на закон за изменување на Законот за управување со отпад по скратена постапка.
Подносителите на овие измени се пратеничките на ДОМ Маја Морачанин и Лилјана Поповска, кои бараат забрана за увоз на отпад како извор на енергија и отпад кој согорува.
Ваквата иницијатива доаѓа истовремено со отворањето на истрага на бугарското обвинителство за увезен отпад од Италија.