Жалба за пратениците во куќен притвор, ОЈО молчи
Објавено во: Македонија 07 Декември, 2017
Адвокатите на пратениците Јохан Тарчуловски, Љупчо Димовски и Жаклина Пешевска одлуката за домашен притвор ја обжалија пред повисока судска инстанца барајќи целосно укинување на оваа мерка претпазливост.
Јавното обвинителство кое го води истражниот предмет, пак од своја страна не планира да поднесе жалба за домашниот притвор и нема да побара ефективен притвор, но и не се повлекува од првичното барање за мерката на претпазливост.
Тарчуловски, Димовски и Пешевска се речиси единствените осомничени од страна на ЈОРМ за кривичното дело терористичко загрозување на уставниот поредок и безбедноста на кои им беше определен домашен притвор, додека на преостанатите триесетина осомничени лица судот им одреди ефкетивен притвор од 30 дена, на дел уште во првостепена одлука, а на помал дел домашниот притвор им го преиначи во најтешката мерка на обезбедување.