19 Август, 2019
0.0233

„Жан Митрев“ ќе ги троши парите на ФЗОМ, а тимот го нема

Објавено во: Македонија 13 Август, 2019

Како Клиничката болница Жан Митрев ќе ги користи парите кои од ФЗОМ и ги исплатија за операциите на деца кои таму требаше да ги врши тимот што премина од детската клиника кога веќе тимот не работи таму? Ова прашање останува неодговорено и покрај тоа што и неколку надлежни и институции се вклучија да утврдат кои се последиците од ова. Упатени во случајот коментираат дека тоа што се дебатира за лиценцирањето е важно но дека со заминувањето на Владимир Чадиковски и неговиот тим исто така има сомнеж дали не е злоупотреба што државните пари кои ќе се префрлаат практично за нив ќе ги употребува друг.

Годинава „Жан Митрев“ зема 65 милиони денари од ФЗОМ токму за операциите кои требаше да ги врши Чадиковски. Парите се префрлени тимот си замина.

Кога здравствените власти го промовираа концептот што го нарекоа јавно-приватно партнерство министерот Венко Филипче изјави дека парите се за детскиот кардиохирург и за операциите на деца во подобри услови а не за Жан Митрев.

– Станува збор за јавно-приватно партнерство со целосно преземање на сите вработени во тимот за детска кардиохирургија. Идејата е да се обезбедат подобри услови, оти сега работат на Клиника за детска хирургија. Многу често се пополнуваат капацитетите, а детската кардиохирургија бара целосно користење на салите. Размислувавме да ги префрлиме на Кардиохирургија за возрасни, но тоа бара дополнителни инвестиции и дополнителна опрема. Таа инфраструктура постои во приватните болници и сега се разгледува можноста дали може да развиваме таков проект на приватно-јавно партнерство. – рече Филипче минатата година.

За Инспекторатот нема ништо спорно во работата на болницата „Жан Митрев“.

Болницата работи регуларно, пак се наодите кои денеска ги соопштија од Државниот санитарен и здравствен инспекторат.

„Здравствената дејност во ПЗУ Клиничка болница „Жан Митрев“ – Скопје се врши согласно Решението за дозвола за вршење дејност издадено од Министерство за здравство, велат од инспекторатот.

Од таму соопштија дека „е извршен вонреден инспекциски надзор во ПЗУ Клиничка болница „Жан Митрев“ во врска со исполнувањето на законската обврска на здравствената установа за вршење на здравствената дејност согласно дозволата за работа издадена од Министерство за здравство бр.22-665/3 од 01.03.2019г.“.

Вчера пак антикорупциска отвори предмет за испитување на случајот со детската кардиохирургија. Антикорупционерите по оставката на  единствениот лиценциран детски кардихирург Чадиковски ќе утврдуваат дали постои можност за еднострано раскинување на договорот и дали постапката за добивање лиценца за детска кардихирургија на приватната клиника е законска а оваа иницијатива ја поздравија од Клиниката на Жан Митрев од каде велат дека се отворени за соработка.


Р.Ф.

Можеби ќе ве интересира

Како Фетаи го коментира „Рекет“

Како Фетаи го коментира „Рекет“

Изгасен пожарот кај Пинтија

Изгасен пожарот кај Пинтија

СОНЧЕВО И ТОПЛО: Какво време не очекува оваа работна недела?

СОНЧЕВО И ТОПЛО: Какво време не очекува оваа работна недела?

Колку градови може да ни испразни заминувањето во Германија?

Колку градови може да ни испразни заминувањето во Германија?

ФОКУС НА ДЕНОТ: Пожари во Скопје, АРМ слави роденден

ФОКУС НА ДЕНОТ: Пожари во Скопје, АРМ слави роденден

Пожарот кај Пинтија уште гори-ќе се дежура и ноќеска

Пожарот кај Пинтија уште гори-ќе се дежура и ноќеска

СКОПЈЕ: Еден пожар ставен под контрола, друг избувнал кај Сопиште

СКОПЈЕ: Еден пожар ставен под контрола, друг избувнал кај Сопиште

Димитров се огласи за случајот „Рекет“

Димитров се огласи за случајот „Рекет“

(ФОТО) Пожар над населбата Пинтија, гори мешана шума

(ФОТО) Пожар над населбата Пинтија, гори мешана шума