09 Август, 2020
0.0215

Запленетиот крап и сом се испраќа во македонските затвори

Објавено во: Економија 11 Ноември, 2019

По точно 23 килограми крап и сом биле испратени годинава од Агенцијата за управување со одземен имот како отстапница на адреса на затворите во Идризово и Гевгелија.

Според евиденцијата што ја доби „Фактор“ за заплените во 2019, од она што е отстапено, во очи паѓа тоа дека 23 килограми крап е испратен во Идризово, додека 23 килограми сом во Гевгелија. Не е познато дали рибата била наменета за затворската управа и вработените, или и за затворениците.

Од најскапите автомобили што други државни органи и институции побарале да ги превземат, евидентирано е дека Ауди А4 Авант е превземен од управата на МВР, додека Ауди А4 1,8т е испратен за потребите на Општа болница Струмица. Во испратницата не е запишано која година на производство се двете возила и колкава е нивната вредност, но според моделот може да се заклучи дека се високорепрезентативни. 

Од другите конфискувани автомобили, општина Богданци превземала возило Пежо 206, а еден Голф 4 е испратен за потребите на полициската станица Карпош. Може да се забележи дека за откуп на стари патнички и товарни возила Агенцијата има соработка со кумановска фирма која работи со плацови и депонија, а запленетиот добиток го купуваат две физички лица.

Од она што било запленето, а се уште не е распределено, примени се, покрај другите марки, автомобилите од висока категорија како Мерцедеси од Ц-класата, Ауди од А8 до А3 и BMW 530d. Покрај класични патнички возила, има и товорни и мотоцикли, како и трактори со приколки. Од недвижнините запленет е и еден цел магацин, а има и разноразни предмети како дигитални ваги, огномет, телескопи, мобилни телефони, моторни пили, алат. Има и лажни возни билети и ладно оружје, лекови, филтри за цигари, цигари, тутун и производи од тутун. Евидентирана е голем број на конфекција , модни додатоци и аксесоари, како и парфимерија. Во складиштата има и риболовна опрема, разни брендови од алкохол и земјоделски производи и детски играчки.

- Во однос на конфискација на имотна корист, за тековниот период по основ на извршување правосилни судски пресуди, наплатени се 16,9 милиони денари од осудените лица, гласи во одоговорот на Агенцијата за тоа колкав имот е одземен во пари во првата половина од годината. 

Агенцијата во конфискувањето соработува со Шумска полиција, Совет за унапредување на ревизија, националните паркови, царинските терминали, судовите, обвинителството, Царинската управа, полицијата, ЈП Македонски шуми. Голем дел од овие институции го отстапуваат својот магацински простор и плацевите за одземениот имот кој го складираат пред сукцесивно да биде превземен како што се ослободува простор.

Александар Кузмановски

Можеби ќе ве интересира

ТЕШКО ЌЕ БИДЕ БЕЗ НОВ СЕТ МЕРКИ - работодавачите предупредуваат

ТЕШКО ЌЕ БИДЕ БЕЗ НОВ СЕТ МЕРКИ - работодавачите предупредуваат

КОРОНА КРИЗАТА НЕ ГО СПЛАСНА ИНТЕРЕСОТ - станови се бараат, цената никако не паѓа

КОРОНА КРИЗАТА НЕ ГО СПЛАСНА ИНТЕРЕСОТ - станови се бараат, цената никако не паѓа

ИМА ЛИ ШАНСИ СТРУЈАТА ДА НЕ ПОСКАПУВА - Да, вели Бислимовски, ако се откажат енергетските компании

ИМА ЛИ ШАНСИ СТРУЈАТА ДА НЕ ПОСКАПУВА - Да, вели Бислимовски, ако се откажат енергетските компании

ГАЗДИТЕ НЕПЛАЌАЧИ СЕ ИСПЛАШИЈА ОД КРИВИЧНИТЕ ПРИЈАВИ - деновиве побрзаа да се раздолжат за платите

ГАЗДИТЕ НЕПЛАЌАЧИ СЕ ИСПЛАШИЈА ОД КРИВИЧНИТЕ ПРИЈАВИ - деновиве побрзаа да се раздолжат за платите

Туристичките работници испорачаа ултиматум до Филипче

Туристичките работници испорачаа ултиматум до Филипче

ТРОШОЦИ ЗА ЖИВОТ: Поевтинил зеленчукот, а поскапел лебот, цигарите, сувото овошје

ТРОШОЦИ ЗА ЖИВОТ: Поевтинил зеленчукот, а поскапел лебот, цигарите, сувото овошје

Поради „златната треска“ цената на златото ќе стигне до 3.000 долари

Поради „златната треска“ цената на златото ќе стигне до 3.000 долари

33.265 ДЕНАРИ: Toлку чини синдикалната минимална кошница

33.265 ДЕНАРИ: Toлку чини синдикалната минимална кошница

ДЕНЕСКА Е ПОСЛЕДЕН РОК ЗА ЕРБАП ГАЗДИТЕ - ќе има ли затвор ако нема плата

ДЕНЕСКА Е ПОСЛЕДЕН РОК ЗА ЕРБАП ГАЗДИТЕ - ќе има ли затвор ако нема плата