Започна со работа „новиот и независен УБК“, оние кои не ги поминаа тестовите нема да останат без работа
Објавено во: Македонија 01 Септември, 2019
Агенцијата за национална безбедност, која произлегува од поранешно УБК, од денеска започна со работа откако избра само околу 350 агенти, односно само половина кои ќе останат да работат во оваа безбедносна институција.
Директорот Виктор Димовски денеска го означи почетокот на работа на агенцијата која ќе работи независно од Министерството за внатрешни работи. Тој на ова место дојде со избор на Владата во јуни оваа година и од тогаш започна процесот на професионализација, односно испитување на актуелниот кадар.
Првиот човек на безбедносната агенција рече дека претходно била напревена селекција на вработени од УБК и оние кои ја поминале селекцијата ќе работат во новата Агенција. Сепак, оние за кои се утврдило дека не можат да поседуваат безбедносен сертификат, нема да останат без работа.
- За оние кои не ја поминаа селкецијата за Агенцијата, остануваат вработени во Министерството за внатешни работи, освен оние за кои во безбедносна постапка ќе се покаже дека не можат да поседуваат безбедносни сертификати. Меѓутоа и за нив е предвидено вработување во останати државни институции, изјави денеска Димовски.
Голем дел од досегашните 650 вработени во старото УБК имале проблеми со интегритетот со служење кон политички партии, бизниси и слично, потоа проблеми кои се покажаа при контролата од страна на други институции како Финансиската полиција, оддел за финансиско разузнавање и слично, а во втората фаза ќе следува полиграфско тестирање. Според новите услови, тие не требаше да бидат во брак или вонбрачно со вработени во истата агенција, да немаат финансиски интереси, да немаат партиска припадност и да немаат двојно државјанство.
Процентот на Албанците како вработени е зголемен од 10 на 16 отсто во агенцијата која веќе не е во надлежност на Министерството за внатрешни работи и ќе функциониора како независно тело.