ЗАПОЧНУВА ТРЕТИОТ СЕМИНАР „МАТЕМАТИКА И ПРИМЕНИ“!
Објавено во: Мои пари 14 Декември, 2018
Денеска и утре се одржува Третиот семинар „Математика и примени“, во организација на Институтот за математика при Природно-математичкиот факултет во Скопје каде што генерален поддржувач е издавачката куќа Просветно дело.
На овој семинар му претходат семинарите во 2016 и 2017 година, а првиот семинар во 2016 година се одржа во чест на 70-годишнината од постоењето на Природно-математичкиот факултет и Институтот за математика.
Популаризацијата на математиката отсекогаш била дел од активностите на математичарите во Македонија. Тука се вбројуваат натпреварите по математика, математичките школи, издавањето на популарни математички списанија за ученици во основно и средно училиште, но и математичките семинари со предавања од одредени математички области за поширока публика.
Од Институтот за математика при Природно-математичкиот факултет изјавија:
„Сознанијата за позитивното влијание на тие семинари на работата на универзитетскиот и училишниот наставен кадар беше поттик да се обидеме да ги обновиме математичките семинари на Институтот за математика. Семинарот ʼМатематика и примени‘ се одржува еднаш годишно, во декември, па покрај за наставниот кадар од универзитетите и училиштата, тој е отворен и за студенти, средношколци, припадници на индустрискиот и општествениот сектор и пошироката јавност. Од работата на семинарите ʼМатематика и примениʼ во претходните две години произлегоа четири книги со научно-популарни трудови и трудови за наставата по математика, во рамки на научно-популарната едиција ʼМатематички омнибус‘ во издание на Институтот за математика (електронско и печатено издание). Електронските верзии на овие книги се со слободен пристап на интернет страницата на Институтот за математика.“
Целта на овогодишниот семинар „Математика и примени“ е преку збир од научно-популарни предавања и предавања за наставата по математика да придонесе за популаризација на математиката меѓу младите и пошироката јавност, за ширење и размена на добрите наставни практики, но и да предложи нови идеи за нивно подобрување.
Оваа година, Семинарот е од полуотворен карактер, што подразбира дека студентите и средношколците имаат слободен влез по претходно извршена навремена регистрација. Голем е интересот за семинарот, има 30 предавања, присутни се околу 200 наставници и 100 студенти и средношколци, а има и интерес за трудовите произлезени од работата на семинарите. Сево ова се прави со стремеж за обновување и проширување на традицијата на Институтот за математика за одржување математички семинари за популаризација на математиката.
Издавачката куќа Просветно дело издаде и едиција збирки по математика за основно образование од прво до деветто одделение во насока на развој и поддршка на наставниот процес во образовниот систем, а тука се јавува и како генерален поддржувач со свој продажен штанд на математичка литература.
Можеби ќе ве интересира
Напред во дигиталната иднина со Македонски Телеком
WTCA заговара „мир по пат на трговија“ на Балканот и во светот на IX Delfi економски форум
Караванот на Државна изборна комисија во посета и на руралните средини и маргинализираните групи
Во понеделник ќе се одржи второто издание на “Freelance Conference”
Претставена најновата линија телевизори и soundbar-звучници на Samsung: Доаѓа новата ера на Samsung AI TV
Истражување: Зошто политиката на ЕУ по прашањето на намалување на бројот на пушачи не е доволно ефикасна
Atlantic Grupa со силен раст на приходот од продажба и на профитабилноста
Кентаур Импекс инвестира во нова опрема со поддршка на ЕБОР и ЕУ
„Тренинг за сајбер безбедност за едукатори“ - почеток на низа активности за зголемување на безбедноста на интернет
