ЗАТВОРЕН ПОЗНАТ ХОТЕЛ: Во оваа земја се стопија 500 глечери
Објавено во: Свет 25 Ноември, 2019
За само неколку години во Швајцарија се стопија 500 глечери.
Нивото на реките е зголемено, но експертите се загрижени дека на долг рок, водата во реките ќе се намали и дека земјата ќе има проблеми со вода за пиење.
На една кривина на патот што води кон врвовите на Алпите во Швајцарија се наоѓа хотелот „Белведере“, изграден во 1880 година, кој нуди најдобар поглед на еден од најголемите глечери Роне. Хотелот е затворен бидејќи глечерот се намали за повеќе од два километри, со што и погледот не е атрактивен како порано. Во хотелот бил и Џејмс Бонд во филмот „Голдфингер“, а сега е прва жртва на глобалното затоплување.
Топењето на глечерите ќе влијае врз карпите кои ги покривале и тие ќе почнат да се одронуваат загрозувајќи ги патиштата.
Експертите предупредуваат дека до крајот на векот 90 проценти од глечерите ќе се стопат, односно ќе исчезнат, а сега се останати уште 1.500.