ЖБОГАР СО ПОРАКА ДО ГРАЃАНИТЕ: И на крајот секој глас е важен
Објавено во: Македонија 12 Октомври, 2017
Шефот на Делегацијата на ЕУ во Република Македонија амбасадорот, Самуел Жбогар напиша порака на својот Твитер профил во пресрет на одржувањето на изборите.
Локалните избори на 15 октомври се можност за вас граѓаните да ги изразите вашите гледишта за правецот во кој вашите општини треба да се движат во иднина, порача тој.
Жбогар додава дека е важен секој глас.
„Ги повикуваме политичките лидери и членовите на партиите да ги спроведат изборите без заплашување и насилство. Потсетуваме на важноста да се направи јасна поделба меѓу државните и партиските активности пред, за време на и по изборите. Ние сметаме на државните институции како што е полицијата, независните институции како ДИК, како и граѓанското општество да го исполнат својот дел од одговорноста за одржување демократски, слободни и фер избори“ - вели Жбогар.
Ги повикува сите граѓани да го исполнат своето демократско право на глас и на тој начин да ја обликуваат иднината на своите општини.