„Зелените“ партии најголеми победници од три избори во Европа за еден викенд
Објавено во: Свет 15 Октомври, 2018
„Зелените“ партии доминираат викендов и победија на три избори во Западна Европа овој викенд - на регионалните избори во Баварија, локалните во Белгија и парламентарните во Луксембург
Партијата на Зелените, која доби 18 отсто од гласовите, ја истисна ЦСУ по полувековна доминација - со што стануваат незаобиколив политички фактор во Баварија, иако се мислеше дека десницата ќе биде прва по напливот на мигрантите и анти-бегалската хистерија на одредени медиуми.
Во Луксембург во недела гласачите бираа ново парламентарно мнозинство. Иако формирањето на новата влада е сѐ уште неизвесно, резултатите покажуваат дека Зелената партија на Луксембург е единствена во пораст, додека сите други губат седишта, и дека благодарение на нејзе ќе се спаси сегашната влада.
За крај во недела гласаа и белгиските граѓани на локални избори. Слично како во Луксембург и Германија сите традиционални партии бележат или значаен пад или статус кво во повеќето општини додека Зелените се во пораст речиси секаде, а највеќе во главниот град, Брисел. Зависно од претстојните коалициски преговори, Зелените најверојатно ќе успеат да им одземат повеќе градоначелнички места на Либералите, кои беа големите победници на последните локални избори во 2012.
Останува да се види дали овие резултати ќе се рефлектираат и врз претстојните европски избори во мај 2019, на кои многумина стравуваат дека екстремната десница би можела да однесе победа без преседан.