ЗЕЛЕНСКИ ГО ПРОГЛАСИ ЗА ХЕРОЈ: Пилот се катапултираше над Виница со крваво лице
Објавено во: Свет 09 Декември, 2022
Се катапултираше над украинска Виница, а претходно собори пет ирански дронови.
Ова го направи Владимир Ворошилов, украинскиот пилот кој над градот Виница мораше да се катапултура од својот авион пред тој да биде уништен, а кој претходно успеа да собори пет ирански дронови Шахед-136 кои ги користи Русија, беше прогласен за „Херој на Украина“. Украинскиот претседател Володимир Зеленски го одликуваше. Пилотот стана познат по тоа што си направи селфи со своето крваво лице и палецот кој покажува нагоре, пишува Њузвик.
„Никој и ништо не може да нè скрши!“, напиша Ворошилов.
На фотографијата се гледа дека остатоците од авионот му исекле делови од образите и од вратот.
„Украинските одбранбени сили не ја бранат само нашата држава, тие го бранат целиот цивилизиран свет, ова е штит што го штити западниот свет од ордата, оставајќи зад себе само хаос и пустош! Но, оваа заштита е многу скапа за синовите на Украина, затоа треба да разберете и да запомните!“, додава тој.
Пилотот подоцна на својот Инстаграм профил напиша дека четири дена откако се катапултирал од неговиот авион, се вратил и им се извинил на локалните жители за непријатностите што можеби им ги предизвикал.Ворошилов е родум од градот Кременчук во централна Украина. Дипломирал на воениот ликеј Кременчук во 2011 година, а подоцна и на Националниот универзитет на воздухопловните сили во Харков. Турскиот претседател Реџеп Таип Ердоган денеска изјави дека Турција продолжува со своите напори за решавање на тековната војна меѓу Русија и Украина и додаде дека за таа цел наскоро ќе разговара со своите колеги од двете страни на конфликтот.