ЗЕМЈАВА ВО ПОРТОКАЛОВА ФАЗА: Температури до 40 степени
Објавено во: Македонија 08 Август, 2019
Не излегувајте на отворено без потреба.
Земјава во портокалово ниво за опасност од високи температури и УВ зрачење, предупредува Управата за хидрометеоролошки работи, денес се очекува сончево и многу топло време, попладне со умерена облачност.
Ќе дува слаб ветер од јужен правец.
УВ индексот ќе биде висок и ќе изнесува 9. Додека дневните темпеарути на водухот ќе го достигнат и 40 степени.
Најтопло и денес се очекува да биде во југоисточниот дел до државата, додека температури околу 30 степен се очекуваат во северозападниот дел од земјава.
Под влијание на многу топла воздушна маса до средината на наредната недела времето ќе иде сончево и многу топло, а само во петок ќе има извесно зголемување на облачноста.
Поради жолтата и портокалова фаза надлежните и лекарите апелираат до граѓаните да се почитуваат мерките за заштита од високи температури и УВ зрачење.Да не се излегува на отворено во периодот од 11 до 17 часот, да се пијат повеќе течности, најмногу вода, да се јаде повеќе овошје и зеленчук и да се консумира лесна храна, да се носи светла и лесна облека, доколку треба да излегувате надвор задолжително да се носи шапка и наочари за сонце, а хронично болните лица да ја примаат редовно својата терапија препишана од лекар.