30 Октомври, 2020
0.0351

(ФОТО) ЗЕМЈОТРЕС ТУРЦИЈА: Жена спасена по 19 часа, Ердоган на погреб на жртвите

Објавено во: Свет 26 Јануари, 2020

Најмалку 29 луѓе загинаа, а повеќе од 1.400 се повредени, во моќниот земјотрес во источна Турција.

Земјотресот со јачина од 6,8 степени со центарот на градот Сивриџе во провинцијата Елазиг предизвика многу згради да пропаднат, а нивните жители да останат на улица.

Четириесет и три лица досега се спасени, но се стравува дека пвеќе од 20 може да останат заробени, велат официјалните лица.

Спасувачките екипи работеа преку ноќ, користејќи ги рацете и копачите за да се обидат да најдат луѓе во урнатините на паднатите згради. Тие, исто така, донесоа кревети и шатори за раселените лица и ги предупредија жителите да не се враќаат во оштетените згради заради опасност од нови земјотреси.

Според АФАД, 25 лица починале во провинцијата Елазиг, а четворица во соседната провинција Малатија.

Според најновиот број, во земјотресот се повредени околу 1.466 лица. Министерот за здравство Фахретин Коца изјави дека 34 од повредените биле на интензивна нега, но не и во критична состојба.

Според извештаите, една постара жена била извлечена жива од урнатините околу 19 часа по земјотресот.

Друга жена што била во урнатините е спасена откако ги повикала роднините од нејзиниот мобилен телефон и им кажала каде е заробена.

Но, 12-годишно момче кое било спасено од урнатините, подоцна починало во болница.

Од урнатините беше извлечен и помлад маж.

„Беше многу страшно - мебелот падна над нас. Ние брзавме надвор“, цитираше новинската агенција АФП 47-годишен маж. 

Турскиот претседател Реџеп Таип Ердоган ги откажа плановите во Истанбул во саботата, и наместо тоа, ја посети погодената област и присуствуваше на погребот на две од жртвите.

„Ние правиме сè што можеме како држава и нација и ќе продолжиме да го правиме тоа. Нашите напори на сите места за спасување ќе продолжат“, рече тој.

Сивриџе, град со околу 4.000 луѓе, е популарно туристичко место на брегот на езерото Хазар, изворот на реката Тигар.

Фото: светски и турски медиуми

Можеби ќе ве интересира

Европа има над 10 милиони заразени

Европа има над 10 милиони заразени

Нападите го натераа Макрон да распореди повеќе војници на улиците

Нападите го натераа Макрон да распореди повеќе војници на улиците

ПУТИН СЕ ПОЖАЛИ: Имаат проблеми при производство на вакцината против коронавирусот

ПУТИН СЕ ПОЖАЛИ: Имаат проблеми при производство на вакцината против коронавирусот

ЛИОН: Турците им се закануваат на Ерменците, извикуваа „Алаху акбар„ и „Ова е Турција“

ЛИОН: Турците им се закануваат на Ерменците, извикуваа „Алаху акбар„ и „Ова е Турција“

Во оваа држава се потврдени првите случаи на коронавирусот

Во оваа држава се потврдени првите случаи на коронавирусот

Втора исечена глава во Франција, овој пат во Ница: Маж со нож уби тројца во црква

Втора исечена глава во Франција, овој пат во Ница: Маж со нож уби тројца во црква

Меркел целосно ја затвора Германија од понеделник

Меркел целосно ја затвора Германија од понеделник

(ВИДЕО) Ерменците заробија арапски платеници кои војуваат во Нагорно - Карабах

(ВИДЕО) Ерменците заробија арапски платеници кои војуваат во Нагорно - Карабах

Франција ќе оди во карантин?

Франција ќе оди во карантин?