Жена уценувала друга жена и барала 5.000 евра за да не објави компромитирачки фотографии
Објавено во: Македонија 05 Јануари, 2022
Жена уценувала друга жена дека ќе објави експлицитни фотографии, за што барала пари. Во настанот се инволвирани жени од Кочани.
Надворешната канцеларија за криминалистички работи Кочани поднесе кривична пријава против Ж.Г.(55) од Кочани, поради постоење основи на сомнение за сторени кривични дела „злоупотреба на лични податоци“ и „уцена“. Во втората половина на август 2021 година пријавената набавила фотографии од женско лице од кочанско село со компромитирачка содржина, по што ги покажала на две други женски лица, а потоа ја уценувала оштетената да ѝ даде 5000 евра за да не ги објави фотографиите.